2015 жылдың 12 тамызы күні Орталық қалалық кітапханада Абай Құнанбаевтың туғанына 170 жыл толуына орай «Абай әлеміне саяхат» атты фестиваль өтті. Фестивальге Достық үйі – қоғамдық келісім орталығының этномәдени бірлестіктері қатысты.

2015 жылдың 12 тамызы күні Орталық қалалық кітапханада Абай Құнанбаевтың туғанына 170 жыл толуына орай «Абай әлеміне саяхат» атты фестиваль өтті. Фестивальге Достық үйі – қоғамдық келісім орталығының этномәдени бірлестіктері қатысты.

Аталмыш шараны Өскемен қаласының мәдениет және тілдерді дамыту бөлімі және Орталық қалалық кітапхана ұйымдастырды. Бұндағы мақсаты, Абайдың  өмірі мен шығармашылығына шолу жасау, ұлы тұлғаның шығармаларын ұлықтау.

Жамбыл атындағы облыстық драма театрының әртістері «Абай» спектаклінен үзінді қойып, фестиваль пердесін ашты. Облыстық филармонияның әншісі Айдар Алтай және театрдың жас актерлері ақынның танымал әндерін орындады, кітапхананың жас оқырмандары Абай өлеңдерін нақышына келтіре оқыды.

Фестиваль барысында кітапхана алаңында «Асыл сөзді іздесең, Абайды оқы» тақырыбында ауқымды кітап көрмесі ұйымдастырылып, ұлы ақынның өмірі мен шығармашылығына арналған викториналық сұрақтар ойнатылды. Сонымен қатар, Абайдың сүйікті ойыны «тоғызқұмалақ» және «хан талапай» асық ойындары, т.б. ұлттық ойындар ойнатылды. Шара барысында Достық үйі – қоғамдық келісім орталығының украин және белорус ЭМБ, облыстық тарихи-өлкетану мұражайы мен этнографиялық мұражайдың өкілдері қолөнер көрмесін жайды.

Шара аясында кітапхана фойесінде Абайдың өлеңдері дауысталып оқылатын аудиодискілер қойылып, слайдтық презентация көрсетілді. Көпшілік назарына ақынның өмірі мен шығармашылығынан сыр шертер бейнедеректер, атап айтқанда, «Абай» және «Излучение Любви. Абай Кунанбаев» фильмдері ұсынылды. ЭМБ өкілдері хакім Абайдың шығармашылығының құндылығымен таныса отырып, рухани әсер алды.

Кейін қарай