Таза ауаны жұтқанды, таза суды ішкенді қалаймыз. Жасыл желекті саялы орындарда серуендеуге де қарсы емеспіз. Тіпті қаламыздың таза, көрікті жерлерінде фотоға түскіміз келеді. Әдемілікке жанымыз құмар. Алайда қоршаған ортамыздың, жан-жағымызды таза ұстауға келгенде енжарлық танытатындар да аз емес.

Бүгін облыстық Қазақстан халқы ассамблеясының бастамасымен «Ассамблея жастары» РҚБ Қызылорда облысы бойынша өкілдігі ұйымдастырған «Таза табиғат» акциясының да мақсаты - өскелең ұрпақты қоршаған ортаны қорғауға, табиғатты аялауға шақыру болатын.

Сондай-ақ жастар арасында қамқорлық, бауырмашылдық қасиеттерді орнатып, еңбексүйгіштікке баулу. Өнегесі мол шараға Ассамблея жастарының белсенділері мен "Қоғамдық келісім" мекемесінің қызметкерлері, еріктілер қозғалысы үлес қосты.

Табиғат жанашыры болып, өз ортасын таза ұстауға үлесін қосқан әрбір тәрбиленуші үшін бұл жауапты іс.

Акция барысында жастар белгіленген аумақты тау-тау қоқыстан арылтып, тал екті, әктеп, сырлап, тазалық жұмыстарын жүргізді.

Акция қорытындысы бойынша, осындай экологиялық шараларға белсенді қатысушы жастарға мекеме басшысы өз алғысын білдірді.

Кейін қарай