2017 ж. 19 тамыз күні Алматы қаласындағы Достық үйінде «Этномәдени бірлестіктердің арасында медиация институтының даму ерекшеліктері» тақырыбында дөңгелек үстел өтті.

Дөңгелек үстелде этномәдени бірлестіктер арасындағы медиацияның ерекшеліктері, оның рөлі мен медиация институтының ЭМБ қатысуымен даму жолдары талқыланды. Сонымен бірге, заң тұрғысындағы және басқа да шиеліністерді шешудің өзге жолдарына халықтың қызығушылығын арттыру тәсілдері қарастырылды.

Іс-шараға Қазақстан халқы Ассамблеясы Төрағасының орынбасары Хамедов Абилфас Муслимович, Алматы қ. ҚХА төрағасының орынбасары Мамсуров Казбек Владимирович, Алматы қ. ҚХА Хатшылығының жетекшісі Балғынбаев Назар Албанович, азаматтық істер жөніндегі сот алқасының судьясы, татуласу рәсімдері бойынша үйлестіруші Қожаханова Гульнар Сейфуллақызы, этномәдени бірлестіктердің мүшелері мен жетекшілері, Алматы қ. Алатау ауданы сотының судьясы Аққуов Нурбол, Алматы қалалық сотының, МЕҰ өкілдері, медиация орталықтарының жетекшілері, кәсіби және кәсіби емес медиаторлар, «Жарасым» РЖҰ қатысты.

Ұйымдастырушылар: ҚР Президенті жанындағы «Қоғамдық келісім» РММ Алматы қ. Достық үйі жұмысын қамтамасыз ету қызметі; Республикалық әдістемелік медиация кабинеті; Алматы қ. әкімі аппаратының «Қоғамдық келісім» КММ; «Халықаралық құқық қорғау орталығы» ҚБ.

Дата события ассамблеи: 24.08.2017

Кейін қарай