Алматы облыстық Қазақстан халқы Ассамблеясы «Достық үйі - Қоғамдық келісім орталығы» КММ директоры Қасымберкебаев Тәңірберген Қасымақынұлын зейнет демалысына салтанатты түрде шығарып салды.

Тәңірберген Қасымберкебаевтың басшылық лауазымдарда жұмыс жасаудың мол тәжірибесі бар, ол өзінің іскерлік қасиеттерін ғана емес, сонымен қатар жеке тұлғалық қасиеттерін де көрсете білді.

Облыстық Ассамблея Төрағасының орынбасары, хатшылық меңгерушісі Тұрсынбай Ғабит Тұрсынбайұлы құттықтау сөзінде Тәңірберген Қасымберкебаевтың көп жылдық тәжірибесі мен Достық үйінің директоры ретіндегі жемісті жұмысын атап өтті.

Сондай-ақ, Қоғамдық келісім кеңесінің төрағасы Жақиянов Оралбек Нұрсейітұлы және Алматы облысы әкімінің әдеп жөніндегі өкілі Ғалиасқар Төлендиұлы Сарыбаев құттықтаулар мен шынайы тілектерін білдірді.

Өз кезегінде Тәңірберген Қасымақынұлы ұжымға алғысын білдіріп, барлығына жұмыста табыс тіледі.

Шара соңында қазақ халқының дәстүрі бойынша Тәңірберген Қасымберкебаевқа шапан жауып, естелік сыйлықпен марапатталды.

Кейін қарай