Талдықорғанда «Жалпыазаматтық бірегейлікті қалыптастыру» жобасын іске асыру мақсатында «Қоғамдық келісім» КММ-нің ұйымдастыруымен 27 қаңтар күні «Отбасы – береке, бірлік, ынтамақтастықтың бастауы» атты онлайн конференция өтті.

Конференцияға аудан, қала, округтік Аналар кеңестерінің төрағалары мен мүшелері барлығы, 70 адам қатысты. Модератор Алматы облыстық Аналар кенесінің төрағасы Несіпжамал Баймадиева болды.

Іс-шарада психолог, теолог Қанат Маратұлы жас ұрпақты тәрбиесі, отбасылық құндылықтарды нығайту және жалпыазаматтық бірегейлікті қалыптастыру бойынша баяндама жасады.

Бүгінде аналарымыз облысымызда болып жатқан барлық жағымды жаңалықтарға, қоғамдағы өміршең өзгерістерге, идеялық-саяси, әлеуметтік-мәдени жұмыстарға, мемлекетіміздің бүкіл тыныс-тіршілігіне белсене араласып отыр.

Конференция соңында қатысушылар ойларымен бөлісіп, толғандырып жүрген сұрақтарына жауап алды.

Кейін қарай