Алматы қаласы Медеу ауданының комьюнити-орталығында «Ассамблея жастары» ұйымының белсенділерінің кездесуі өтті. Талқылау барысында Қазақстан халқы Ассамблеясының әлеуметтік жастар және еріктілер жобаларын іске асыру мәселелері қозғалды.

Талқылаудың маңызды тақырыбы ҚХА-ның XXXIII сессиясында айтылған Мемлекет басшысының тапсырмалары болды.

Сондай-ақ, кездесуге қатысушылар жоғары оқу орындары базасында студенттік Ассамблеялар желісін дамытудың ортақ тәсілдерін пысықтады. Айта кету керек, Алматыда осындай 12 ұйым жұмыс істейді. Қазіргі уақытта басқа өңірлерде студенттік Ассамблеялар ашу мәселесі пысықталуда.

Іс-шараға Қазақстан халқы Ассамблеясы Төрағасының орынбасары Юрий Шин, «Ассамблея жастары» РҚБ төрағасы Тимур Джумурбаев, Алматы қалалық мәслихатының депутаттары Руслан Идрисов пен Диана Ерлан, Қазақстан ұйғыр жастары одағының төрағасы Рустам Қайрыев, этномәдени бірлестіктердің жастар қанатының көшбасшылары, блогерлер мен қоғамдық пікір көшбасшылары қатысты.

Кейін қарай