Алматы қаласы Қазақстан халқы Ассамблеясының ғылыми-сараптамалық тобы «Қазақстан Республикасының Президенті Қ.К. Тоқаевтың «Жаңа Қазақстан: жаңарту және жаңғырту жолы» Жолдауын талқылау» тақырыбында отырыс өткізді.

Отырыс жұмысына ҚХА Алматы қалалық ғылыми-сараптамалық тобының мүшелері, Алматы этномәдени бірлестіктерінің мүшелері және ҚР БҒМ ҒК Философия, саясаттану және дінтану институтының ғалымдары қатысты.

Отырыстың модераторы – Алматы қаласы ҚХА ҒСТ төрағасы, ҚР БҒМ ҒК Философия, саясаттану және дінтану институтының бас ғылыми қызметкері, философия ғылымдарының докторы, қауымдастырылған профессор Шайкемелев Мұхтарбек Сейд-Әлиұлы кіріспе баяндама жасады. Өз баяндамасында ол Мемлекет басшысының Қазақстан халқына Жолдауында ұсынған саяси реформалардың бұрын-соңды болмаған сипатын атап өтті. Сонымен қатар, саяси трансформация жағдайында ҚХА-ның жаңа рөлі әлі де жеткілікті түрде айқындалмайтыны атап өтілді.

Алматы қаласындағы ҚХА ҒСТ мүшесі ҚР азаматтарының саяси мәдениетін арттыру қажеттілігі туралы мәселені қозғады. Сондай-ақ, Қазақстан жастарының тарих пен саясатты қабылдауын зерттеу ұсынылды. Сондай-ақ, Қазақ ұлттық өнер академиясының профессоры Шаймерденова Меңдіғаным Жамалбекқызы баяндама жасады.

Отырысқа қатысушылар Мемлекет басшысы белгілеген саяси реформаларды бірауыздан қолдады. Қазақстан Президенті Қасым-Жомарт Тоқаевтың Жолдауының негізгі ережелері "Жаңа Қазақстанды" құруға оң серпін беретіні, ал белгіленген өзгерістер қазақстандықтар өмірінің барлық салаларына қатысты болатыны атап өтілді. Отырысқа қатысушылар жастар мен ел азаматтарын саяси мәдениетке тәрбиелеудің нақты мәселелері мен тетіктеріне ерекше назар аударды.

Кейін қарай