2016 жылғы 20 ақпан күні  Алматыдағы республикалық Достық үйінің ғимаратында  Халықаралық ана тілі күніне арналған «Ана тілім - ардағым» атты тілдер фестивалі өтті.

Фестивальға ҚХА Төрағасының орынбасары Любовь Ни, мемлекеттік органдар, оқу орындарының, этномәдени бірлестіктердің өкілдері мен жастар қатысты.

Тілдер фестивалінің аясында жексенбілік мектептер  оқытушыларының тәжірибе алмасуы, мемлекеттік тілді және этностық топтардың тілдерін оқып-үйрену жөніндегі авторлық әдістемелердің таныстырылымы болда.

Семинар-тренингті өткізу барысында қатысушылар жексенбілік мектептердің қызметін мемлекеттік қолдау; ана тілін оқып-үйренудегі  заманауи ұстанымдар тақырыптарын талқылайды; ҚХА-ның «Мың бала» республикалық мәдени-ағату  жобасының және «Тілдарын» тілді жеделдете оқыту әдістемесінің тұсаукесері болды.

«Біздің өңірлердегі жексенбілік мектептердің барлығы тегін жұмыс істейді, оларда тілдерді оқытуды мемлекет бюджеттен қаржыландырады. Біздің іс-шарамыз Алғыс айту күні қарсаңында өтіп отыр. Бізге, қазақстандықтарға, бір-бірімізге, мемлекетке, Президентке алғыс айтатындай көптеген себептер бар», - деп атап көрсетті ҚХА Төрағасының орынбасары Любовь Ни өз сөзінде. 

Реті келгенде айта кетейік, Қазақстанда өз ұлттарының тілінде сабақ берілетін 214 мектеп бар: олардың 76-сында өзбек, ұйғыр және тәжік тілінде  оқытылады, аралас тілде оқытатын  138 мектеп бар.  190 этно-ағарту кешені мен лингвистикалық мектептер бар.

Достық үйінің кіреберіс залында фестивальге қатысушыларға арналып мемлекеттік тілді және этностық топтардың тілдерін оқып-үйрену жөніндегі әдебиеттердің, түрлі этностар тілдерін оқытуға арналған әдебиеттің «Ана тілі – халықтың рухани құндылығы» атты көрмесі  өтті.

Фестиваль этномәдени бірлестіктердің шығармашылық ұжымдарының мерекелік концертімен аяқталды. 

Ұйымдастырушылар: ҚР Президенті жанындағы «Қоғамдық келісім» республикалық мемлекеттік мекемесі,

Алматы қаласының әкімдігі,

Алматы қаласы әкімдігінің жанындағы «Қоғамдық келісім» КММ.

Кейін қарай