Бүгін «Қоғамдық келісім» КММ-де Оңтүстік Қазақстан облыстық Қазақстан халқы Ассамблеясы жанындағы Аналар кеңесінің отырысы өтті.

Кеңесте облыстық Ассамблея төрағасының орынбасары М.Қалмұратов: «Кезінде тағдырдың жазуымен қазақтың кең даласына қоныс тепкен сан түрлі этнос өкілдері бүгінде теңдігі бір, жаны бір, мұрат-мақсаты ортақ біртұтас отбасыға айналды. Ал, сол отбасының тірегі әр уақытта ана болып табылады. Ана бір қолымен бесік тербетсе,екінші қолымен әлемді тербетеді. Әйел – отбасының,  мемлекеттің тірегі»,- деп айта келе кеңестің негізгі міндеттері мен мақсаттарын  нақтылап өтті.

Сонымен қатар, жиында Аналар кеңесінің төрайымын  сайлау, оның құрамын және  2016 жылға арналған жұмыс кестесін талқылап, бекіту мәселелері  қаралды. Кеңес төрайымына ұсынылған облыстық бірнеше басқармаларда басшылық қызметтер атқарған Көмекбаева Балхия Әбдіманапқызының  кандидатурасы бірауыздан   қолдау тапты.

Отбасы және ана институттарын нығайту арқылы қоғамдық келісім мен ел бірлігін қамтамасыз етудегі  Қазақстан халқы Ассамблеясы мақсаттарын іске асыруға жәрдемдесу, сондай-ақ отбасылық құндылықтарды тарату жөнінде шараларды жүзеге асыру мақсатында  облыстың 15 қала, ауданында оның ішінде, барлық ауылдық округтерде Аналар кеңестерін құру жоспарланды. 

Кейін қарай