Талдықорған қаласында Қазақстан халқы Ассамблеясының 25 жылдығы аясында онлайн – режимде Аналар кеңесінің кеңейтілген отырысы өтті. Жиналыстын модераторы «Қоғамдық келісім» КММ директоры Сандуғаш Дуйсенова болды.

Кеңейтілген отырысқа аудан, қала әкімдіктерінің ішкі саясат бөлім басшылары мен қызметкерлері, аудандық, қалалық, ауылдық округтердің аналар кеңестерінің төрағалары мен мүшелері, барлығы 100-ден астам адам қатысты.

Аналар кеңесінде жас ұрпақты тәрбиелеу, отбасылық құндылықтарды нығайту және сақтау мәселелері талқыланды. Әр ауданның аналар кеңесінің төрағалары өздерінің атқарылған жұмыстарына есеп берді.

Бүгінде аналарымыз облысымызда болып жатқан барлық жағымды жаңалықтарға, қоғамдағы өміршең өзгерістерге, идеялық-саяси, әлеуметтік-мәдени жұмыстарға, мемлекетіміздің бүкіл тыныс-тіршілігіне белсене араласып отыр.

Іс-шараның соңында әр ауданнан нәтижелі жұмыс атқарған, белсенділік танытқан ауылдық округтер марапатталды.

Кейін қарай