25-ші қаңтарда Достық үйінің мәжіліс залында Қызылорда облыстық Қазақстан халқы ассамблеясы жанындағы Аналар кеңесінің отырысы өтті.

Отырысқа Аналар кеңесінің төрайымы Раиса Смаханова, «Қоғамдық келісім» КММ директорының орынбасары Рахима Ахметова, «Қоғамдық келісім» КММ бөлім басшысы Гүлнар Сәрсенбай мен кеңестің мүшелері қатысты.

Іс-шара барысында өткен жылы атқарылған жұмыстарға есеп беріліп, Аналар кеңесінің болашақтағы жоспарлары мен өткізілетін іс-шаралары талқыланды.

Сондай-ақ, қазіргі қоғамда балаларды тәрбиелеу, отбасының сақталуы, қыз балалардың тәрбиесі сынды мәселелерде Аналар кеңесі рөлінің маңыздылығы туралы пікірлер айтылды. Кеңес мүшелері жастар арасындағы суицид, олардың отбасылық, тұрмыстық қарым-қатынастағы агрессивті мінез-құлықтары секілді мәселелер бойынша сұрақтарға жауап іздеді.

Айта кететіні, Аналар кеңесі өңірдегі ауқымды іс-шараларды атқарып келеді. Олардың ішінде «Ұрпақтар сабақтастығы», «Қызы мен анасы» және т.б.

Кездесудің қорытыныдысы бойынша, Аналар кеңесінің мүшелері алдағы уақытта мектеп жасындағы қыз балалармен кездесу өткізіп, оларға аналық кеңес беру, өскелең ұрпақты дәстүрлі отбасылық құндылықтарға тартуда белсенділік танытуға және т.б. ауқымды жоспарларды жүзеге асыратынын айтты.

Кейін қарай