Қарағанды облысында Қазақстан халқы Ассамблеясының 30 жылдығына орай ҚХА Аналар кеңесінің Республикалық отырысы өтті

Іс-шараға Қазақстан халқы Ассамблеясы Хатшылығы меңгерушісінің орынбасары Анастасия Щегорцова, Қарағанды облысының әкімі Ермағанбет Бөлекпаев, ҚХА Республикалық аналар кеңесінің төрайымы Назипа Шанаи, ҚР Бас прокуратурасының, ҚР Ішкі істер министрлігінің, ҚР Оқу-ағарту министрлігінің, ҚР Денсаулық сақтау министрлігінің Медициналық және фармацевтикалық бақылау комитетінің Қарағанды облысы бойынша департаментінің өкілдері, барлық өңірлерден келген аналар кеңестерінің төрағалары мен мүшелері, сондай-ақ үкіметтік емес ұйымдардың, медициналық және педагогикалық қауымдастықтың өкілдері мен психологтар қатысты.

Мемлекет басшысы 8 қыркүйекте Қазақстан халқына арнаған Жолдауында кез келген құқық бұзушылық пен заңсыздыққа нөлдік төзімділік қағидатын атап өткен болатын. Президент Жолдауында көтерілген идеялар отырыстың басты тақырыбына - ҚХА Аналар кеңесінің «Салауатты сана» бастамасын жүзеге асыруға негіз болды. Жоба жастарды патриотизмге, азаматтық жауапкершілікке және салауатты өмір салтына тәрбиелеуді, сондай-ақ наркомания, құмар ойындар, зорлық-зомбылық, ысырапшылдық пен вандализмнің алдын алуды мақсат етеді.

Негізгі аудитория - жастар, ата-аналар мен педагогтар және әскери қызметшілер. Жоба қоғамда оң мінез-құлық үлгілерін қалыптастыруға және әлеуметтік қатерлерді жоюға жұмылдыруға бағытталған.

Кейін қарай