«Қоғамдық келісім» мекемесінің қызметкерлері «Қазақстан халқы Ассамблеясы-20 ізгі іс» республикалық акциясы аясында Қарағанды облысындағы су тасқынан зардап шеккен елді мекендерге 1 тонна гуманитарлық көмек жіберді. 

«Қоғамдық келісім» мекемесінің қызметкерлері «Қазақстан халқы Ассамблеясы-20 ізгі іс» республикалық акциясы аясында Қарағанды облысындағы су тасқынан зардап шеккен елді мекендерге 1 тонна гуманитарлық көмек жіберді. Олардың ішінде бұзылмайтын азық-түлік пен киім-кешек, тұрмыстық заттар, санитарлық-гигеналық құралдар бар. «Бүгін біз Қарағанды облысындағы су тасқыны салдарынан жапа шеккен ауыл тұрғындарына көмек жібердік. Қайырымды іс - «ҚХА-20 ізгі іс» акциясы аясында ұйымдастырылды. Олардың басына түскен жағдай барша халыққа қайғы-қасірет әкелді. Бұл - халықтық мәселе. Бұл жағдайға бей-жай қарауға болмайды», дейді «Қоғамдық келісім» мекемесінің этомәдени бірлестіктермен жұмыс жасау бөлімінің басшысы Римма Молдаева.

          Қарағандылықтарға көмек қолын созғандардың қатарында кәсіпкерлер мен Ақтау қаласының тұрғындары бар.

Айта кетсек, «Қоғамдық келісім» мекемесі мен аймақтағы этномәдени бірлестіктер Қарағанды облысындағы ауылдарға бұған дейін де, 3 тонна гуманитарлық көмек жіберген.

Кейін қарай