Ақтаудағы №23 мектепте Қашаған жырау мен Сулейман Стальскийдің шығармашылығына арналған «Если душа родилась крылатой» атты кеш өтті.

Ақтаудағы №23 мектепте Қашаған жырау мен Сулейман Стальскийдің шығармашылығына арналған «Если душа родилась крылатой» атты кеш өтті. Іс-шара ұйымдастырушысы «Самур» лезгин этномәдени бірлестігі. Тағылымды іс-шараға Қазақстан халқы Ассамблеясының Маңғыстау облыстық хатшылығы, Маңғыстау облысы әкімі аппараты жанындағы «Қоғамдық келісім» коммуналдық мемлекеттік мекемесінің қызметкелері, этномәдени бірлестік төрағалары және аталмыш мектептің ұстаздары мен оқушылары қатысты.

Әдеби кеш аясында ұйымдастырушылар Қашаған жырау мен Сулейман Стальскийдің өлеңдерін оқып, жұртшылықты бір серпілтті. «Біздің мақсат – өткенді ұмытпай, ұлықтау, - дейді «Самур» лезгин этномәдени бірлестігінің төрағасы Гаджимагомед Селимов. «Қашаған жырау мен Сулейман Стальскийді халқының қамын жырлаған ақындар десе де болады. себебі, екеуінің туындыларында Отанға, елге, жерге деген махаббат пен елдің достығы мен татулығы бейнеленген. Екеуі де қара өлеңмен, қара сөзбен халқының рухын оятқан. Біз оларды қашанда ұмытпаймыз. Биыл елімізде айтулы мейрамдар тойланды. Біздің осы іс-шарамыз да сол айтулы даталардың аясында аталып өтуде».

МОӘА «Қоғамдық келісім» КММ баспасөз қызметі

Кейін қарай