Қостанай облыстық Қазақстан халқы Ассамблеясы мүшесі Владимир Гершун Қостанайда жақсылық, татулық, бірлік және мейірімділіктің тамаша мерекесі – Алғыс айту күніне арналған ескерткіш жасап орнату жөнінде бастама көтерді.

Өңірдің қоғам қайраткері өз идеясын А. Байтұрсынов атындағы КМУ-де жоғары оқу орнының оқытушылары, студенттер, студенттік Ассамблея белсенділері және «Мәңгілік Ел» клубының мүшелері қатысуымен өткізілген ғылыми-сарапштылық топтың көшпелі отырысында ұсынды.

- Ескерткішті «Дала қазағының ақ жүрегі» деген атауды ұсынамын. Бұл кездейсоқтық емес: Қазақстан тарихының қайғылы парақтары мыңдаған қуғын-сүргінге ұшыраған, жер аударылған отбасыларының қасіретті оқиғаларына толы. Бұл адамдар тағдыр талқысына тасталса да, мейірбан қазақ халқы шексіз адамгершілік танытып, жүрек жылуымен оларды бауырларына басты. Көрмеген, білмеген жат адамдардың қайғысына ортақтасқан олар, үйіне кіргізіп бір үзім нанымен бөлісті.

Далада өскен қазақ халқының бойына сіңген қасиеті мұқтаж адамдарға қол ұшын беру. Көп этнос өкілдері қасиетті қазақ елінде өзінің екінші отанын тапты және әрқайсысы қанша ұрпақ ауысса да осыны жадында сақтайтын болады. Ендеше біз байырғы халыққа құрмет көрсетіп, облыс орталығында үлкен ескерткіш орнатсақ жөн болар еді. Осындай ескерткіштер мен даталар арқылы біз жастарға өз отанына деген патриоттық сезімін сіңіріп, тәрбиелеуміз керек!- деп атап айтты В. Гершун.  

Әріптестерінің ұсынысын ҒСТ мүшелері бірауыздан қолдап, оның  маңыздылығын атап өтті. Жуық арада ҒСТ құрамы Алғыс айту күнінің символы – ескерткіш орнату жайында облыс әкіміне ресми өтініш жасамақшы.

Қостанай облысы әкімдігінің «Қоғамдық келісім» КММ баспасөз қызметі

Кейін қарай