Ассамблеяның жастар қанаты «Көшбасшылар мектебі» жобасы аясында Қордай ауданының жастарымен бірқатар кездесулер өткізді.

Бұл бастама Мемлекет басшысының ҚХА XXXIII сессиясында жастар жобаларын қолдау жөніндегі берген тапсырмасы шеңберінде іске асырылуда.

Масанчи ауылында «Ассамблея жастары» ұйымының төрағасы Тимур Джумурбаев Ауқатты, Бәйтерек, Бұлар батыр, Еңбек, Қарақемер, Қарасу, Қызылсай, Күнбатыс 2, Масанчи, Өтеген және Сортөбе ауылдарының мектеп президенттерімен және мектептің өзін-өзі басқару белсенділерімен кездесті. Ол оқушыларға жастар бастамаларын дамыту бойынша заманауи жобалар және талантты жастарды қолдауға бағытталған Ассамблеяның жекелеген іс-шаралары туралы айтып берді.

Кездесу барысында мектептерде «Ассамблея жастары» қызметін дамыту мәселелері талқыланды. Әрбір көшбасшы мектептегі оқушылардың белсенділігін дамыту және жастар арасында бірлік пен келісімді сақтау, еңбекқорлық пен білімге ұмтылу, құқықтық өзіндік сана мен жауапкершілік қағидаттарын ілгерілету жөніндегі өздерінің идеяларымен бөлісті.

Кейін қарай