Қалалық Достық үйінде Астана қаласы Қазақстан халқы Ассамблеясының ұйымдастыруымен Ұлттық домбыра күніне арналған мерекелік іс-шара өтті.

Концерттік бағдарлама барысында өнер көрсеткен Астана қаласы № 2 өнер мектебінің жас домбырашылары мен «Балбұлақ» ансамблі халық әндері мен күйлерін нақышына келтіріп орындап шықты.

Іс-шараға «Ерекше балалары бар ата-аналар одағы» қоғамдық бірлестігінің ата-аналары мен балалары қатысты.

Кішкентай қонақтар үшін арнайы ойын-сауық бағдарламасы ұйымдастырылды.

Іс-шара домбыраны дәріптеу арқылы ұлттық мәдениетті сақтау және жаңғырту идеясының төңірегінде қоғамды одан әрі игілікті істерге жұмылдыру мақсатында өтті. Сонымен бірге өскелең ұрпақ арасында патриоттық сезімді тәрбиелеу, балаларды ұлттық өнерге баулу және халқымыздың қасиетті аспабын ұлықтау.

Шара соңында балаларға тәттілерге толы дастархан жайылды.

Кейін қарай