24 тамызда ҚР Тұңғыш Президенті кітапханасында Қазақстан халқы Ассамблеясы Төрағасының орынбасары, ҚР Президенті Әкімшілігі ҚХА Хатшылығының меңгерушісі Леонид Прокопенконың төрағалығымен Астана, Алматы, Шымкент қалалары және облыстардың ассамблея хатшылықтары меңгерушілерімен жұмыс жиналысы өтті.  
Жиналысқа сонымен бірге ҚХА Төрағасының орынбасарлары И.Салжанов және В.Тварионас, Парламент Мәжілісінің депутаты Ю.Тимощенко, Президент Әкімшілігінің Ішкі саясат бөлімінің, Қоғамдық даму министрлігінің өкілдері, Ассамблея құрылымының басшылары қатысты.  

Жиналыс барысында ҚР «Қазақстан халқы Ассамблеясы  туралы» жаңартылған Заңды іске асыру бойынша іс-шаралар жоспарының жобасы, оның ішінде Ассамблеяның этномәдени бірлестіктерін қоғамдық аккредитациялау ережесі талқыланды, «Қазақстанның 100 жаңа есімі», «ҚАЗАҚТАНУ», «Ұлы дала Елінің киелі мұралары» жобаларын іске асыру мәселелері қаралды. Сондай-ақ, Ассамблеяның  2018 жылдың соңына дейінгі жұмыс жоспары нақтыланып, Мемлекет басшысының ҚХА-ның XXVI сессиясында берген тапсырмаларын іске асыру барысы талданды. 
Жиналыс қорытындысы бойынша ҚХА Төрағасының орынбасары Л.Прокопенко бірқатар нақты тапсырмалар берді.  

_________________ 
 

Дата события ассамблеи: 24.08.2018

Кейін қарай