2025 жылғы 12 қарашада Астана қ. Әл-Фараби атындағы Оқушылар сарайында тіл мәдениетін дамытуға, дарынды балаларды қолдауға және өскелең ұрпақ арасында этносаралық келісімді нығайтуға бағытталған «Мың бала» республикалық мәдени-ағартушылық жобасының жеңімпаздарын марапаттау рәсімі өтті.

Іс-шараның ұйымдастырушылары – Қазақстан халқы Ассамблеясы мен ҚР МАМ ЭҚДК «Қоғамдық келісім» РММ.

Жобаның мақсаты – мемлекеттік тілді меңгерген дарынды балаларды анықтау және ынталандыру, Қазақстан халқының тарихы, мәдениеті мен дәстүрлеріне қызығушылықты арттыру, сондай-ақ елдің рухани құндылықтарын қадірлеп, мәдени әралуандығын құрметтеуді насихаттау.

Іс-шараға еліміздің түкпір-түкпірінен келген орта мектеп оқушылары – байқаудың өңірлік кезеңдерінің жеңімпаздары, білім беру ұйымдарының, этномәдени бірлестіктер мен ҚХА жастар қанатының өкілдері қатысты.

Айта кету керек, «Мың бала» жобасы – балалар шығармашылығын қолдаудың, мәдениетаралық диалогты нығайтудың және бірлік пен патриотизм құндылықтарын ілгерілетудің маңызды алаңы болып табылады.

Кейін қарай