2025 жылғы 28 тамызда Астана қаласының Достық үйінде Қазақстан халқы Ассамблеясы Төрағасының орынбасары Марат Әзілханов Парламент Сенатының депутаты, «Жомарт жан» республикалық орталығының төрағасы Евгений Больгертпен бірге Конституция күні мен Білім күні қарсаңында өңірлік «Жомарт жан» орталықтарының басшыларымен кездесу өткізді.

Іс-шараға сондай-ақ ҚХА мүшелері мен меценаттар қатысты. Жиында республикалық «Мектепке жол» қайырымдылық акциясының басталуы, Қазақстан халқы Ассамблеясының 2025 жылдың I жартыжылдығындағы қайырымдылық жұмысының қорытындылары және алдағы кезеңге арналған жоспарлар талқыланды. Өңірлік «Жомарт жан» орталықтарының ақпараттық кеңістіктегі, әсіресе әлеуметтік желілердегі ұстанымын күшейту, жобалық тәсілді енгізу қажеттілігі атап өтілді.

Бүгінде еліміздің 20 өңірінде 340-тан астам меценат пен еріктілерді біріктіретін «Жомарт жан» орталықтары жұмыс істейді. Олардың қызметі Ассамблеяның әлеуметтік маңызы бар жобаларын үйлестіруге және Қазақстанда қайырымдылық мәдениетті дамытуға бағытталған.

Әр жыл сайын орталықтар аз қамтылған отбасылардың балаларын қолдауға, төтенше жағдайдан зардап шеккендерге көмек көрсетуге, әлеуметтік осал топтарға қолдау білдіруге және әлеуметтік инфрақұрылымды дамытуға арналған бастамаларды жүзеге асырады. Жыл басынан бері жалпы құны 304 млн теңгені құрайтын 476 қайырымдылық жоба жүзеге асырылды.

Ал, тек өткен жылы ғана ҚХА-ның республикалық әлеуметтік-маңызы бар қайырымдылық акциялары аясында мұқтаж жандарға 1,3 млрд теңгеге көмек көрсетілген. Отырыста Ассамблея аясындағы қайырымдылық қызметін одан әрі дамыту мәселелері қаралып, Республикалық орталықтың алдағы кезеңге арналған жұмыс жоспары бекітілді.

Кейін қарай