Бірінші қазанда барлық жер-жерлерде Қарттар күні атап өтіледі.

Осыған орай, мереке қарсаңында дәстүрлі түрде қайырымдылыққа бағытталған кездесулер өткізілді. 29 қыркүйекте және 1 қазанда Астана қаласының этномәдени бірлестіктері соғыс ардагерлері мен тыл еңбеккерлеріне құрмет көрсетті. Мерекелік концерт ұйымдастырып, дастарқан жайып, әндер шырқалды. 

«Дала казактары өлкесі одағы» қоғамдық бірлестігі Малотимофеевка ауылындағы Әлеуметтік үйде Қарттар күні мерекесі құрметіне арналған мерекелік іс-шара ұйымдастырды. Ал 14 қазанда «Возрождение» неміс қоғамы» осы ауылдағы Қарттар үйінде концерт өткізуді жоспарлап отыр.

«Таң» татар-башқұрт мәдени орталығы» қоғамдық бірлестігі ардагерлерді «Жастар» театрында өткізілген Татарстан Республикасының Буинск әзіл-сықақ театрының «Кодалар-Кодачалар» спектакліне шақырып, олардың алғыс сезіміне бөленді. 12 қазанда татар-башқұрт мәдени орталығы «Шарапат» әлеуметтік қызмет көрсету орталығында мерекелік концерт өткізуді жоспарлап отыр.

Ал «Вайнах» шешен-ингуш этномәдени орталығы 1 мен 10 қазан аралығында көмірді, ағаш пен азық-түлікті үйлерге жеткізу бойынша қайырымдылық шарасын өткізеді.

6 қазанда «Дала казактары өлкесі одағы» қоғамдық бірлестігі Ресей Ғылым мен мәдениет орталығында қайырымдылық концертін өткізеді.

Ал қазан айында Қарттар күніне байланысты Астана қаласы Қазақстан халқы Ассамблеясының Хатшылығы мерекелік іс-шаралар кезеңін өткізуді жоспарлап қойды.

Дата события ассамблеи: 02.10.2018

Кейін қарай