«Қоғамдық келісім» КММ ұйымдастыруымен Атырау қаласының 380 жылдық мерейтойына орай, «Қазақтану» жобасы аясында Қазақстан халқы Ассамблеясының 25 жылдығына арналған «Бауырсақ party» фестивалі өтті.

Іс-шараның мақсаты – көп ұлттың басын біріктірген қазақ халқының қонақжайлық, достық, бауырмалдық, өзге ұлттармен ынтымақтастықты тереңдету, сондай-ақ елдегі этносаралық келісім мен бейбітшілікті нығайту.

Достық үйінің ауласында киіз-үй құрылып, этномәдени бірлестіктер бауырсақ дайындады. Қазақ, орыс, славян, украин, кәріс, неміс, татар-бащқұрт, дағыстан, шешен-ингуш және ұйғыр ұлт өкілдері қазан-ошақтың қасында бірлесіп бауырсақ пісіріп, ән айтып, би билеп, өз тілектерін білдірді.

Дәмді бауырсақтарды «Жаңғыру жолы» ЖҚ-ның белсенділері Атырау қаласының тұрғындарына үлестірді.

Іс-шараға этномәдени бірлестіктер мүшелері мен «Жаңғыру жолы» ЖҚ-ның мүшелері қатысты.

Кейін қарай