Атырау облысы Ішкі саясат басқармасы «Қоғамдық келісім» КММ-нің ұйымдастыруымен «Атырау» телеарнасында «Тілі бірдің - тілегі бір» атты ток-шоу өтті.

ҚХА белсенділері бастаған ток-шоуда пікірталас алаңына Ассамблеяның жастар қанатының өкілдері, "Халықаралық қазақ тілі қоғамы" қоғамдық бірлестігінің тілтанушылары қатысты. Атырау облысы тілдерді дамыту басқармасы басшысының орынбасары Айгүл Қуаныш мемлекеттік тілді үйрену мәселелерін талқылады. Этнос өкілдері республикалық этномәдени бірлестіктер басшыларының "Тіл туралы Заңның" түсіндірмесін қайта қарау қажеттілігі туралы, мемлекеттік іс жүргізуді дамыту және қазақ тілінде қызмет көрсету қажеттілігі туралы үндеуін қолдады.

Аталған өтінішті талқылау барысында олар мемлекеттік тілді меңгерумен байланысты мәселелерді де қозғап өтті. Кездесуге қатысушылар бір пікірге келіп, қазақ тілін насихаттау және оның қолданылу аясын кеңейту жөнінде ұсыныстар жасады. Бағдарлама соңында Б.Шевченко, Г. Квариани, Ю. Новикова, А. Стомма қазақтың ұлы ақыны Абай Құнанбаевтың өлеңдері мен қара сөздерін оқыды.

Кейін қарай