Атырау қаласындағы Корей қоғамдық бірлестік орталығында «Тхоньиль» корей бірлестігінің ақжаулықтылары салауатты өмір салтын ұстанып, 10 жылдан бері спорттың алуан түрімен шұғылданып келеді.

Соның ішінде таэквондо өнерін өздеріне серік еткен қарттарымыздың жасы 65 пен 85 жастың аралығын қамтиды. Ақжаулықты әжелеріміз орталықта таэквондо өнерімен қатар, скандинавиялық серуендеу түрімен, тыныс алу жаттығуымен, йогамен, аэробикамен айналысып, денсаулықтарын шыңдайды.

«Тхоньиль» корей бірлестігінде шығармашылықпен айналысатын өнерпаздары әр мерекелік іс-шараларға үлкен белсенділікпен қатысады. Қазақ тілінде ән шырқап, хорда өнер көрсетіп, ұлттық билерін билеп жүр.

Кейін қарай