Атырау қаласының Достық үйінде "Қоғамдық келісім" КММ-нің ұйымдастыруымен «30 игі іс» акциясы аясында қайырымдылық өтті.

Қайырымдылық іс-шараға этномәдени бірлестіктердің өкілдері мен шығармашылық топтың мүшелері, Дина Нұрпейісова атындағы музыкалық академияның талантты шәкірттері, "Шексіз таланттар" би мектебінің өнерпаздары белсене атсалысты.

"Қоғамдық келісім" КММ-нің басшысы Жанар Ильясова:

- Алдағы уақытта «30 игі іс» қайырымдылық акциясына орай ауқымды жұмыстар өткізуді жоспарлап отырмыз. Сондықтан түрлі форматта өтетін мұндай шаралар жоспарға сәйкес жалғасын табатын болады. Ал бүгінгі шарамыздың мақсаты – мүмкіндігі шектеулі жандарға, соның ішінде балаларға қайырымдылық концерт ұйымдастырып, қуаныш сыйлау, - деді.

Мерекелік шара соңында онлайн концертке ерекше атсалысқан этномәдени бірлестіктің шығармашылық топ мүшелері Алғыс хатпен марапатталса, мүмкіндігі шектеулі балалар мекеме атынан дайындалған сыйлықтарға ие болды.

Кейін қарай