2015 жылғы 11 қыркүйекте астаналық «Барыс» мұз сарайында Қазақ хандығының 550 жылдығына арналған театрландырылған ғаламат көрсетілім қойылды.

2015 жылғы 11 қыркүйекте астаналық «Барыс» мұз сарайында Қазақ хандығының 550 жылдығына арналған театрландырылған ғаламат көрсетілім қойылды. 

Іс-шараға Мемлекет басшысы Нұрсұлтан Назарбаев, Түркі тілдес мемлекеттердің ынтымақтастық кеңесінің V саммитіне қатысушылар – Әзербайжан Президенті И.Әлиев, Қырғыз Республикасының Президенті А.Атамбаев, Түркияның Ұлттық ұлы жиналысының спикері И.Йылмаз, Түркі тілдес мемлекеттердің ынтымақтастық кеңесінің бас хатшысы Р.Гасанов қатысты.

Театрландырылған көрсетілім барысында Ұлы Даланың сақтар, ғұндар, сарматтар дәуірінен бастап тәуелсіз Қазақсанның жаңа тарихымен аяқталған 3000 жылдық шежіресін қамтыған қойылым көрсетілді. Концерт идеясына ҚР Президенті Нұрсұлтан Назарбаевтың «Тарих толқынында» кітабы алынды. Тұтастай алғанда перфоманс ел тарихының маңызды белестерін көрсететін жеті тараудан тұрды. 

Іс-шара қонақтары Қазақ хандығының тарихымен, әлемдік дамудағы оның тарихи рөлімен танысуға мүмкіндік алды. Мерейтойлық датаны атап өтудің басты мақсаттарының бірі - ел тұрғындарының мәдени-рухани деңгейін көтеру, патриотизмді және ел бірлігін нығайту болып табылады. 

Сондай-ақ іс-шара шеңберінде этномәдени бірлестіктердің халықтық қолданбалы өнер шеберлерінің көрмесі ұйымдастырылды. Оны ұйымдастырушы ҚР Президенті жанындағы «Қоғамдық келісім» РММ болып табылады.

Түрлі кәсіпшілік иелері ағаштан, теріден, киізден және күмістен жасаған бұйымдар мен ұлттық стильде дайындалған кәдесыйлар мен сыйлықтар үстелдердің үстінде жайғастырылып, керегелерде ілулі тұрды. Қолданбалы өнер шеберлері еліміздің түрлі өңірлерінен келген және түрлі бағыттағы мектептердің өкілдері.   

Көрмеде ҚХА бастамашылық жасаған «ҚХА – 20 изі іс!» республикалық акциясының символы ерекше сыйлы орын алды. Игі істер сипатталып жазылған жазбаларға толы «Тайқазан» арнайы тұғырда орналастырылды. 

Тұтастай алғанда «Мәңгілік Ел» тақырыбында өткен іс-шара ұлттық өнердің түрлі жанрын: әндер мен күйлерден, аңыздардан бастап, хореографияның, хормен ән айтудың және халықтық қолданбалы өнердің алуан бағытын қамтыды.

Кейін қарай