2023 жылғы 20 қарашада Қазақстан халқы Ассамблеясы Төрағасының орынбасары - Хатшылық меңгерушісі Марат Әзілханов Финляндия елінің Әділет Канцлері Туо Пойсти мырзамен кездесу өткізді.

Іс-шараға Финляндияның Қазақстан Республикасындағы Елшісі Сойли Мякеляйнен-Буханист, ҚР Парламенті Сенатының депутаты Евгений Больгерт, ҚР Мәдениет және ақпарат министрлігі этносаралық қатынастарды дамыту комитеті төрағасының орынбасары Анар Бекбаева қатысты.

Марат Әзілханов еуропалық әріптестеріне ҚХА-ның құрылу тарихы, конституциялық мәртебесі, этносаралық толеранттылық пен қоғамдық келісімді нығайту жолында атқарып жатқан істері, Ассамблея депутаттарының жұмысы және оның халықаралық ынтымақтастығы туралы ақпарат берді.

Т. Пойсти Финляндия Республикасы Қазақстанның жүргізіп жатқан бейбітшілік пен келісім саясатының тәжірибесін жоғары бағалайтынын жеткізді. Ол екі ел арасындағы ынтымақтастықты нығайту қажеттігін атап өтіп, Финляндия тарапы Қазақстандағы фин-угор этномәдени орталығының қызметіне қызығушылық танытты.

Анықтама: Ұлттық статистика бюросының ақпаратына сәйкеп, бүгінде Қазақстанда 428 фин тұрады. Павлодар облысының «фин-угор этномәдени орталығының» ҚБ құрамында 100-ден астам адам бар (финдер, эстондар, венгрлер, коми-пермяктар, марийлер, мордвиндер, удмурттар).

Кейін қарай