2016 жылғы 26 қазанда Көкшетау қаласының Достық үйінде Қазақстан Республикасы Тәуелсіздігінің 25 жылдығына арналған Қазақстан халқы Ақмола ассамблеясы кеңесінің кеңейтілген отырысы өтті.

Іс-шараға ҚР Мемлекеттік хатшысы Гүлшара Әбдіқалықова, ҚХА Төрағасының орынбасары –Хатшылық меңгерушісі Ералы Тоғжанов, Ақмола облысының әкімі Сергей Кулагин, облыстық ҚХА мүшелері, қоғам қайраткерлері, этномәдени бірлестіктер, үкіметтік емес ұйымдар мен БАҚ өкілдері қатысты.

Мемлекеттік хатшы Гүлшара Әбдіқалықова өзінің құттықтау сөзінде Қазақстан Республикасының Президенті, Елбасы Нұрсұлтан Назарбаевтың басшылығымен еліміз ширек ғасырда демократиялық мемлекет құруда ғаламат ауқымды істер атқарып, әлемдегі ең озық 30 мемлекеттің қатарына қосылу үшін алдына зор міндет қойғанын атап өтті. Республикада азаматтық қағидатына негізделген қазақстандық бірегейлік пен бірлікті нығайтуға және дамытуға қажетті алғышарттар жасалған.  

Гүлшара Әбдіқалықова қоғамдық пікір қауымдастығында 100-ден астам көшбасшының басын қосып отырған Ақмола облыстық Қазақстан халқы Ассамблеясының жұмысын атап өтті. Бүгінде 40-тан астам этномәдени бірлестік "Мәңгілік Ел" жалпыұлттық патриоттық идеясын жүзеге асыруға үлес қосуда.

Отырыс барысында қазақстандық біртектілік пен бірлікті нығайту бойынша Қазақстан халқы Ақмола ассамблеясы мен этномәдени бірлестіктердің қызметі, қоғамның біріктіруші факторы ретінде мемлекеттік тілді дамыту бойынша жұмыстар, сонымен қатар ҚХА Қоғамдық келісім кеңестері мен медиация институттарының өңірлік тәжірибесі талқыланды.

__________________________

«Қоғамдық келісім» РММ

тел.+7(7172) 74-12-15, 74-12-13

E-mail:info_rgy@mail.ru,

www.assembly.kz

Кейін қарай