2025 жылғы 27 маусымда онлайн форматта Қазақстан халқы Ассамблеясының Аналар кеңесі жұмыс кездесуін өткізді.

Кездесудің модераторы ҚХА Республикалық Аналар кеңесінің төрайымы Шанаи Назипа Идрисқызы болды.

Іс-шараға өңірлік аналар кеңестерінің төрайымдары, этномәдени бірлестік өкілдері, сондай-ақ өңірлік «Қоғамдық келісім» КММ жанындағы кеңес жұмысына жауапты сарапшылар мен мамандар қатысты.

ZOOM-кездесудің мақсаты – өзекті міндеттер мен жаңа бастамаларды талқылау, сондай-ақ қоғамдық және тәрбиелік жұмыстардағы ҚХА Аналар кеңесінің рөлін күшейту болды.

Кездесу барысында қатысушылар Алматы қаласы мен Алматы облысында өткен іс-шаралардың қорытындыларын шығарып, сондай-ақ ҚХА 30 жылдығы аясында жоспарланған қоғамдық жобалардың жүзеге асырылу барысы мен алдағы жоспарларды талқылады.

Талқылау барысында өңірлердің озық тәжірибелері ұсынылып, жергілікті деңгейде кеңестер жұмысының тиімділігін арттыру бойынша ұсыныстар әзірленді.

Кездесу соңында қатысушылар ұйымдастырушыларға, атап айтқанда, диалог пен бірлік алаңын ұсынған Қазақстан халқы Ассамблеясына алғыстарын білдіріп, қызметті үйлестіруді жандандыру мақсатында онлайн форматтағы кездесулерді тұрақты түрде өткізу қажеттігін атап өтті.

Кейін қарай