Күні ертең «Бірліктің, бейбітшілік пен келісімнің 30 жылы» күн тәртібімен Қазақстан халқы Ассамблеясының XХIX сессиясы өтеді. ҚХА қызметінің қорытындысын шығарып, оның Қазақстан Республикасы Тәуелсіздігінің 30 жылдығында мемлекетіміздің саяси және әлеуметтік-экономикалық негіздерін қалыптастыру мен нығайтуға қосқан үлесін атап өтетіндіктен, оның тарихи маңызы зор.

Қазақстан халқы Ассамблеясының конституциялық-құқықтық негіздерін зерттеуші ретінде Ассамблеяның егемендік жағдайындағы тарихын төрт кезеңге бөлуге болатынын айтқым келеді:

1991-1995 жылдары алғашқы кезеңі - елдің ұлттық саясаты моделінің пайда болуының алғы шарттары.
1995-2008 жылдары екінші кезеңі – консультативтік-кеңесші орган ретінде Қазақстан халқы Ассамблеясын құру, Ассамблеяның құқықтық негіздерін Қазақстан Республикасының Конституциясында бекіту, Ассамблеяның идеологиялық негіздерін әзірлеу және дамыту.
2008-2015 жылдары үшінші кезеңі – «Қазақстан халқы Ассамблеясы туралы» Қазақстан Республикасының Заңын қабылдау және оның құқықтық мәртебесін бекіту, Ассамблеяның әкімшілік құрылымдарын кеңейту, халықаралық аренаға шығу.
2015 жылдан бастап қазіргі уақытқа дейінгі төртінші кезең -Қазақстанның ұлттық саясат саласындағы 2015 жылғы 28 желтоқсандағы «Қазақстан халқы Ассамблеясының (2025 жылға дейінгі) даму Тұжырымдамасының» іргелі құжатын қабылдау, қазіргі заманғы қазақстандық қоғамды «Мәңгілік Ел» идеясы мен «Рухани жаңғыру» бағдарламасы төңірегінде біріктіруге ықпал ететін бағыттар мен институттарды құру.

Сонымен, ҚХА ХXIX сессиясының құндылығы Тәуелсіздіктің 30 жылдығын қорытындылау, елдің мемлекеттік ұлттық саясатын ұғыну және ҚХА қызметінде оның 2025 жылға дейінгі даму перспективаларын айқындау болып табылады.

«Urpaq» қазақ мәдени-ағарту орталығы осы жылдар бойы этносаралық бірлік пен келісімді нығайтуға өз үлесін қосып келеді.

Г.Н. Мұсабаева,

«Urpaq» қазақ мәдени-ағарту орталығының төрайымы,

М.Қозыбаев атындағы СҚУ доценті

Кейін қарай