2015 жылғы 22 желтоқсанда Астана қаласы ҚР Ұлттық Академиялық кітапханасында Қазақстан халқы Ассамблеясы мен «Ауыл» халықтық-демократиялық партиясы ынтымақтастық туралы меморандумға салтанатты түрде қол қойды.

2015 жылғы 22 желтоқсанда Астана қаласы ҚР Ұлттық Академиялық кітапханасында Қазақстан халқы Ассамблеясы мен «Ауыл» халықтық-демократиялық партиясы ынтымақтастық туралы меморандумға салтанатты түрде қол қойды.

Аталмыш іс-шараға ҚХА Төрағасының орынбасары – Хатшылық меңгерушісі Е.Тоғжанов, «Ауыл» партиясының төрағасы А.Бектаев, ҚР Парламенті Мәжілісінің депутаттары, ҚХА мүшелері, қоғам қайраткерлері және БАҚ қатысты.

ҚХА Төрағасының орынбасары – Хатшылық меңгерушісі Ералы Тоғжанов өз сөзінде қоғамдық келісім саясатының қалыптасуындағы ҚХА тәжірибесінің өзектілігі, азаматтық біртектілік пен ұлтаралық үйлесім тақырыптарына тоқталды.

Іс-шара барысында қатысушылар үздіксіз қызмет ететін сараптамалық алаңша құруды ұсынды.

«Ынтымақтастық, тең құқықтық пен жасампаздық біздің партия қызметінің басымдылығы болып табылады. Көптеген мақсаттарымыз ҚХА-мен ұқсас. Енді біз қоғамдағы тұрақтылық пен үндестіктің нығаюы үшін Қазақстан халқы Ассамблеясымен бірге қызмет етеміз», - деді «Ауыл» партиясының төрағасы А.Бектаев.

Іс-шара қатысушылары этносаралық келісім мен жалпыұлттық бірлік қазақстандық моделін жасаудағы Елбасы Н.Ә.Назарбаевтың ерекше рөлін атап өтті.

Кейін қарай