2015 жылғы 2 қазанда Қазақстан халқы Ассамблеясы мен Республикалық «Асыл бала» қауымдастығы Ынтымақтастық туралы меморандумға қол қойды. Оның мақсаты Қазақстанда қайырымдылық пен меценаттықты дамыту, ең алдымен оларды Қазақстан балаларына қатысты дамыту болып табылады.

Бұл Меморандумға Қазақстан Республикасының Президенті Н.Ә. Назарбаев Қазақстан халқы Ассамблеясының XXII сессиясында алға қойған міндеттерді іске асыру шеңберінде қол қойылды.

Ынтымақтастық «Үлкен ел – үлкен отбасы» жалпы ұлттық жобасының шеңберінде жүзеге асырылатын болады.

Жыл бойы «Мейірімділік керуені» шеңберінде Қазақстанның басты байлығы мен құндылығы – балаларды қолдауға бағытталған бірлескен жобалар іске асырылатын болады. ҚХА мен «Асыл бала» РҚ бірлескен қайырымдылық қызметінің маңызды да мәнді жобасы – «Асар», сондай-ақ балалар үйлеріне, онкологиялық ауруға ұшыраған балаларға арналған орталықтарға қайырымдылық көмек көрсету болмақ. Тараптардың өзара іс-қимыл жасауы «Қазақ қызы – Гүл Ару» жобасын іске асыру шеңберінде жүргізілетін болады. ҚХА Қорымен бірлесіп, «Ғұмыр үшін» қайырымдылық жобасы іске асырылады.

Қайырымдылық кеште Қазақстан халқы Ассамблеясы мен Республикалық «Асыл бала» қауымдастығы қайырымдылық жасаушылар мен меценаттарға арналған төсбелгінің ең үздік нобайына (эскизіне) конкурс жариялады.

Конкурс қорытындысы 2015 жылғы 27 қазанда шығарылады.

Кейін қарай