Бүгін  Достық үйінде Қазақстан халқы Ассамблеясының Достық үйлері басшыларының әдістемелік кеңесінің  кеңейтілген отырысы өтті.

 Кеңейтілген отырысты Қазақстан Республикасы Президенті Әкімшілігі ҚХА хатшылығы меңгерушісінің орынбасары Леонид Прокопенко құттықтау сөзімен ашты.

 Іс-шараға Қазақстан халқы Ассамблеясы хатшылығының өкілдері, өңірлік «Қоғамдық келісім» КММ басшылары – Достық үйлерінің директорлары, ҚХА мен этномәдени бірлестіктердің  мүшелері, этно-ағартушылық кешендерінің оқытушылары қатысты.

Отырыс барысында ҚХА  Достық үйлерін дамыту тұжырымдамасының іске асырылу барысы, Шығыс Қазақстан және Қызылорда облыстарының мысалында Достық үйлерінің жұмыс тәжірибесі, азаматтық қағидатта қазақстандық бірегейлікті нығайту аспектілері, сондай-ақ Қазақстан халқы Ассамблеясы қызметінің жаңа бағыттарын – қайырымдылықты, медиацияны және қоғамдық бақылауды дамыту мәселелері  қаралатын болды.

Қызылорда облысы әкімі аппаратының «Қоғамдық келісім» КММ-нің директоры  Уәлихан Ибраев «Қоғамдық келісім» мекемесінің айдандық дәрежесіндегі нәтижелі жұмысыты туралы баяндады. Сондай-ақ, өз сөзінде ол сарапшылық жүйенің  құрылуы Қазақстан халқы Ассамблеясының аудан және ауылмен арақатынасынын жақсаруына септігін тигізетінін айтып кетті.

Отырыс шеңберінде Достық үйлері мен этномәдени бірлестіктердің қызметіндегі жаңа әдістерге, этноағарту кешендерінің жұмысын ұйымдастыруға арналған  панельдік пікірсайыстар мен семинар-тренингтер өткізілді. 

Қарағанды облысы әкімі аппаратының

«Қоғамдық келісім» КММ баспасөз қызметі

Кейін қарай