Құрметті отандастар!

Бүгін біз Қазақстан Республикасы Тәуелсіздігінің 25 жылдығы қарсаңында бәріміз де ерекше  оқиғаның куәгерлері болдық. 

ҚР Ұлттық банкі ел Тәуелсіздігінің 25 жылдығына арналған бірегей мерейтойлық банкнота мен монеталар шығарды. 

Ұлттық валюта – Тәуелсіздіктің ажырағысыз атрибуттарының бірі.

Сондықтан барлық мемлекеттерде ұлттық валюталардың  дизайны елдің мәдени және тарихи дәстүрлері мен құндылықтарының жүйесін, оның жетістіктері мен тарихының мерейлі сәттерін бейнелейді.   

Тәуелсіздіктің 25 жылдығы – Ұлы Дала Елінің біртұтас халқы Қазақстан Республикасының Тұңғыш Президенті –  Елбасы Нұрсұлтан Әбішұлы Назарбаевтың басшылығымен қол жеткізген жетістіктерінің тарихи қорытындысы. 

Мерейтойлық банкнотада Мемлекет басшысының бейнеленуі халықтың тұрақты және өркендеген Қазақстанды, Болашағы біртұтас елді құрудағы Елбасының айырықша рөліне деген ерекше құрметін көрсетеді.  

Біз ұлттық валюта күні бірегей банкнотаның шығарылуын Қазақстан халқының жалпыазаматтық құндылықтары негізінде бірлікке қарай кезекті қадам жасауымыз, тұрақтылық пен өркендеуге қарай ұмтылысымыздың символы екеніне сенімдіміз. 

Мерекелеріңізбен, құрметті отандастар!

Ұлттық  валюта күні құтты болсын!

Қазақстан Республикасы Тәуелсіздігінің 25 жылдық мерейтойы құтты болсын! 

Қазақстан халқы Ассамблеясының Кеңесі

2016 жылғы 15 қараша

Кейін қарай