Құрметті достар!

Сіздерді Қазақстан халқы тілдері күнімен шын жүректен құттықтаймын!

Жүзден астам этнос өкілдері татулық пен ынтымақта өмір сүретін еліміз үшін бұл мереке мәні жоғары айтулы күндердің бірі.

Тіл – адамды адаммен, халықты халықпен жақындастыратын ерекше құрал, сондықтан біз оны достық құралы, мемлекетіміздің бірлігінің негізі ретінде жоғары бағалауымыз керек.

Қазақстан Республикасының әр азаматы өз ана тілін қолдануға, сондай-ақ тәрбие, оқыту, шығармашылық пен адамдар арасындағы қатынас құралы ретінде болмысына сай тілін еркін таңдауға құқылы.

Өз кезегінде, Қазақстан халқын топтастырудың аса маңызды факторы болып табылатын мемлекеттiк тiлімізді еркін түрде меңгеру еліміздің әрбір азаматы үшін мол мүмкіндіктер ашады.

Әрине, еліміздің біртұтас көпмәдениетті символын айшықтайтын қазақстандық этностардың мәдениеті мен дәстүрлері сақталып, өсіп-өркендейді.

Президентіміз Қ.К. Тоқаевтың: «Әрбір азамат бірлікті нығайту үшін қызмет етуі керек. Өйткені бірлік болса ғана, тірлік болады. Бүгінде азаматтарымыздың барлығы өздерін үлкен әрі біртұтас қазақ отбасының, шын мәнінде, қазақ ұлтының мүшесі сезінеді. Біз бәріміз – бір отбасымыз. Біз – бір елдің перзенті, бір халықтың ұл-қызымыз! Ұлы даланың ұлан-ғайыр жерінде бәрімізге орын жетеді. Осы киелі мекенде бәріміздің де көздің қарашығындай сақтайтын және сол үшін еңбек етіп, өмір сүретін қастерлі дүниелеріміз бар», – деген сөздері осыған дәлел.

Қоғамдық келісім мен жалпыұлттық бірлік әрдайым біздің басты құндылығымыз болып қала береді.

Баршамызға зор денсаулық, мол бақыт, толайым табыстар тілеймін.

Ортақ Шаңырағымыздың астында келісім мен өзара түсіністік мәңгі орнасын!

ҚХА Төрағасының орынбасары –

Хатшылық меңгерушісі

Марат Әзілханов

Кейін қарай