Достық үйінің ғимаратында Халықаралық жастар күні аясындажастар саясаты саласындағы ынтымақтастықты нығайтуға және тәжірибе алмасуға бағытталған Қазақстан Республикасы мен Еуропа Кеңесі арасындағы жастар ынтымақтастығының дөңгелек үстел отырысы өтті.

Іс-шараны Қазақстан халқы Ассамблеясы және ҚР Мәдениет және ақпарат министрлігінің қолдауымен «Ұлан-Ғайыр дала елі» қоғамдық бірлестігі ұйымдастырды.

Іс-шараға Қазақстан халқы Ассамблеясы Хатшылығы басшысының орынбасары Ғалымжан Махан, ҚР Мәдениет және ақпарат министрлігі Жастар және отбасы істері комитетінің төрағасы Қайрат Қамбаров, Еуропа Кеңесінің Жастар істері жөніндегі Еуропалық басқарушы комитетінің төрағасы Жорж Орландо Куейрос, Еуропалық жастар карталары қауымдастығының директоры Манель Санчес, Еуропа Кеңесінің Жастар істері жөніндегі Еуропалық басқарушы комитетінің Бюромүшесі Валихан Бахретдинов, республикалық жастар ұйымдары және Еуропа Кеңесінің құрылымдық бөлімшелерінің өкілдері қатысты.

Кездесу барысында Қазақстанның азаматтық секторы мен Еуропа Кеңесі арасындағы өзара іс-қимыл мен ынтымақтастықты нығайтуға бағытталған жастар саясаты саласындағы бірлескен жобаларды әзірлеу мәселелері талқыланды.

Сондай-ақ, жастар ұйымдарының жобалары аясындағы халықаралық әріптестік мәселелері қаралды. Бұл Қазақстанда жастар бастамаларын іске асыру үшін жаңа жағдайлар жасауға мүмкіндік береді.

Кейін қарай