Тәуелсіз Қазақстанның Тұңғыш Президенті Күні жаңа мемлекетті қалыптастырудың тұғырлы негіздерінің маңызы мен құндылығын бағалауға мүмкіндік беретін ел тарихындағы маңызды оқиғаға айналды.

Қазақстан халқы Ассамблеясы Ғылыми-сарапшылық кеңесі мүшелерінің, Қазақстан Республикасы Президентінің жанындағы Мемлекеттік басқару академиясының халықаралық ғылыми семинар қатысушыларының атынан Қазақстан Республикасы Тұңғыш Президенті Күні мерекесімен құттықтаған шынайы әрі жылы лебізімізді қабыл алыңыз.

Тәуелсіз Қазақстанның Тұңғыш Президенті Күні жаңа мемлекетті қалыптастырудың тұғырлы негіздерінің маңызы мен құндылығын бағалауға мүмкіндік беретін ел тарихындағы маңызды оқиғаға айналды.

Елдің экономикалық, әлеуметтік және саяси трансформациясы кезеңінде оның алдында тұрған саналуан және кідіртуге болмайтын міндеттерді шеше отырып, Сіз өркендеу мен дамуға бастаған сенімді тура жол таба білдіңіз.

Бұл жол этносаралық толеранттылық пен қоғамдық келісімнің қазақстандық моделіне айналды. Бұл құндылықтар теңдік пен қоғамдық келісімнің конституциялық қағидалары, мемлекет пен қоғам дамуының стратегиялық ресурсы, елдің басты байлығы ретінде орнықты.

Қазақстан халқы осының барлығын сөзсіз Сіздің еңбегіңіздің жемісі деп біледі.

Қазақстандағы барлық этностардың тілін, мәдениетін, дәстүрін сақтау және дамыту мүмкіндігі – толеранттылықтың, мәдени саналуандылықты дамытудың және өзара сенім мен ынтымақтастық ахуалды жасаудың берік негізі. 

Ортақ мақсаттар мен құндылықтар қоғамды ұйыстыруға және ел бірлігін нығайтуға жағдай туғызды.

Сіз ұсынған «Мәңгілік Ел» идеясы – өткен тарихи кезеңдердің, халық даналығының, саяси стратегия мен келешекке деген кемел сенімнің жиынтығы.

Бүгінгі Қазақстан – әлемдік қауымдастықтың толыққанды мүшесі болып табылатын, қуатты экономикасы, бірлігі жарасқан халқы және келешекке деген зор мақсат-мүдделері бар жасампаз ел.

Жаңа дәуір жаңа міндеттер жүктеп, жаңа шешімдер іздеу міндетін алға тартады.

Біз, Сіздің бейбітшілік пен келісім, өзара сенім мен толеранттылық саясатыңыз барлық адамзат қолдау көрсететін әлемнің келешек дамуының құндылықтық негіздері және Қазақстанның табысқа жету кепілдігі болып табылатындығына кәміл сенеміз.

«Нұрлы жол – болашаққа бастар жол» Жолдауы мәселені нақты көрсетіп, әлемдік үдерістерді ашық талдап, халықтың әл-ауқатын көтеру саясатындағы қадамдардың реттілігін жүйелі анықтап берді. Осы үшін Сізге алғыс білдіреміз!

Ортақ ұлы мақсатқа жету – тәуелсіз, қуатты және өркендеген Қазақстанды қалыптастыру үшін Сіз белгілеген міндеттерді орындауға барлық күш-жігерімізді саламыз!

Аса құрметті Нұрсұлтан Әбішұлы, Сізге мықты денсаулық, шығармашылық шабыт, ұзақ ғұмыр, сүйікті еліміз бен Қазақстан халқының игілігі жолында жаңа биіктерге жетуді тілейміз!

Қазақстан халқы Ассамблеясы

Ғылыми-сарапшылық кеңесінің мүшелері

Кейін қарай