Ақтау қаласында Қазақстан республикасы Тұңғыш Президент күніне орай «Рәміздерім елдігімнің белгісі!» атты облыстық қорытынды патриоттық әндер кеші өтті. 

Ақтау қаласында Қазақстан республикасы Тұңғыш Президент күніне орай «Рәміздерім елдігімнің белгісі!» атты облыстық қорытынды патриоттық әндер кеші өтті.

Концерттік бағдарлама аудандарда өткен сайыс жеңімпаздарының қатысуымен ұйымдастырылды.

Іс-шараның мақсаты – жастар арасында ұлттық патриотизмді арттыру және азаматтық ұстанымдарды қалыптастыруға ықпал ету.

Іс-шара ұйымдастырушысы «Мұнайлы аудандық Азаматтық бастама» қоғамдық бірлестігі.

«Біз жыл сайын осындай айтулы күндерге түрлі іс-шаралар ұйымдастырып тұрамыз»,-дейді аталмыш қоғамдық бірлестіктің директоры Райхан Дәрібаева. «Қазақстан Республикасы Тұңғыш Президент күні барша қазақстандықтар үшін маңызды күн деп білемін. Біз жыл сайын бұл күнді атап өтеміз. Тұңғыш Президент күні мерекесі де уақыт өткен сайын маңызы артатын халықтық шараға айналады деп ойлаймын»,- деді ол өз сөзінде.

Концерттік бағдарламаға облыстың аудан мен қалаларынан келген өнерпаздар, Қазақстан халқы Ассамблеясының Маңғыстау облыстық хатшылығы, Маңғыстау облысы әкімі аппаратының «Қоғамдық келісім» коммуналдық мемлекеттік мекемесі, белсенді жастар мен БАҚ өкілдері қатысты.

Іс-шара соңында іс-шараның барлық қатысушыларына дипломдар мен  сыйлықтар  табысталды.

МОӘА «Қоғамдық келісім» КММ баспасөз қызметі

Кейін қарай