Кеше Астана қаласының Достық үйінде Қазақстан халқы Ассамблеясы Төрағасының орынбасары — Хатшылық меңгерушісі Леонид Прокопенко бастаған Қазақстан халқы Ассамблеясының өкілдері Қытайдың Шыңжан-Ұйғыр автономиялық ауданының (ШҰАА) делегаттарымен кездесті.

Л. Прокопенко қытайлық қонақтарды қоғамдық келісім мен ұлттық бірліктің қазақстандық моделімен, сонымен қатар бизнес-климат пен қарапайым азаматтардың өмірін жақсартуға бағытталған Президент Нұрсұлтан Назарбаевтың бес әлеуметтік бастамасымен таныстырды. Леонид Прокопенко атап өткендей, қырық жылдық реформа кезеңінде Қытай көптеген көрсеткіштермен әлемдік көшбасшы болды, бұл олардың тарихи уағдаластылығын, стратегиялық бірізділігін және тиімділігін дәлелдейді. Сонымен қатар ол «Жібек жолының экономикалық белдеуі» жобасының «Нұрлы жол» жаңа экономикалық саясатымен бірігу келешегінің маңыздылығын атап кетті.

Өз кезегінде ШҰАА Халықтық саяси консультациялық кеңесінің төрағасы Нұрлан Абдимаджин мәлімдегендей, Қытай ШҰАА 56 ұлттың өкілі тұрады. Қытай делегациясының басшысы Н. Абдимаджин бірлікті, келісімді және қатынас үйлесімдігін нығайтуға бағытталған екі елдің ұлтаралық саладағы мемлекеттік саясатының ұқсастығына назар аудартып өтті.

Тараптар халықтық дипломатиялық қағидаттарында, көршілес және өзара тиімді ынтымақтастықта екі жақты қатынасты дамытуға дайын екендерін білдірді.

Дата события ассамблеи: 12.09.2018

Кейін қарай