Ақтауда қазақ тілінен сабақ беретін мұғалімдерге «Қазақ тілін интерактивті оқытудың тиімді әдісі» атты семинар-тренинг өтті. Іс-шараны ұйымдастырушы - Маңғыстау облысы әкімі аппаратының «Қоғамдық келісім» коммуналдық мемлекеттік мекемесі.

Ақтауда қазақ тілінен сабақ беретін мұғалімдерге «Қазақ тілін интерактивті оқытудың тиімді әдісі» атты семинар-тренинг өтті. Іс-шараны ұйымдастырушы - Маңғыстау облысы әкімі аппаратының «Қоғамдық келісім» коммуналдық мемлекеттік мекемесі.

Семинарға Маңғыстау облысы Қазақстан халқы Ассамблеясы хатшылығының басшылығы, мұғалімдер, этномәдени бірлестік өкілдері қатысты.

Семинар-тренингті «Өрлеу» біліктілікті арттыру ұлттық орталығы акционерлік қоғамының Маңғыстау облыстық филиалының халықаралық сертификатталған тренері – Зауре Абишева өткізді.

Дәріс барысында мұғалімдер өздерін мазалаған сұрақтарын қойып, оған жауап ала алды. Сондай-ақ, олар бір-бірімен түрлі ойын ойнау арқылы тәжірбие алмасты.

«Қазақ тілін интерактивті оқытудың тиімді әдісі» дәрісінің ерекшелігі онда 132 сөз арқылы оқушыға қазақ тілін үйретудің тиімді жолдары ұсынылған, дейді халықаралық сертификатталған тренер – Зауре Абишева. «Біз бүгін ерекше дәріс өткізіп жатырмыз. Мұнда мен мұғалімдерге 132 қазақша сөз арқылы қазақ тілін жедел түсіндіру әдісін үйретудемін. Мұғалімдер ары қарай осы әдісті мектептегі оқушыларға өткізсе қазақ тілін білмейтін бала тез үйренеді деп ойлаймын. Мұғалімдер семинар-тренинг барысында «Шырша» әнін орындап, түрлі ойындар ойнады. Бұл әдісім оларға ерекше ұнап, зор әсер қалдырды деп ойлаймын».

МО ӘА «Қоғамдық келісім» КММ баспасөз қызметі

Кейін қарай