Құрметті журналистер қауымы!

Сіздерді кәсіби төл мерекеңіз – Журналистика күнімен шын жүректен құттықтаймыз!

Журналист – бұл тек терең білім мен эрудицияны ғана емес, сонымен қатар ерекше талантты қажет ететін өте маңызды, қызықты да күрделі мамандық.

Қазіргі қоғамда бұқаралық ақпарат құралдары ықпал етудің мықты тетігі болып табылатыны сөзсіз.

Сіздер күн демей, түн демей елімізде болып жатқан оқиғалар мен құбылыстар туралы шынайы, объективті, бейтарап ақпаратты халыққа жедел жеткізу үшін аянбай қызмет жасап келесіздер.

Жауапты қызметті абыройлы атқарып, өз тағдырыңызды ел тағдырымен байланыстырған ерен еңбектеріңіз еселі жемісін беріп, жеңісті күндеріңіз көп болсын.

Еліміздің жарқын болашағы үшін атқарған игі істеріңізге табыс, кәсіптеріңізге өрлеу, шығармашылықтарыңызға сәттілік тілейміз.

Сізге және сіздің жақындарыңызға амандық, зор денсаулық және бақыт тілейміз!

ҚАЗАҚСТАН ХАЛҚЫ АССАМБЛЕЯСЫ

Кейін қарай