5 маусымда БҰҰ жанындағы Қазақстан Республикасының Тұрақты Өкілдігінің ашылғанына 27 жыл толды. Бұл күні Президенттің тиісті Жарлығына 1992 жылы қол қойылды. Осы уақыттан бастап Қазақстан Ұйымның және оның мамандандырылған мекемелерінің жұмысына белсене қатысады.

Бейбітшілік пен қауіпсіздікті қорғау, қарусыздану, экономика, экология, әлеуметтік даму, халықаралық құқықтың прогрессивті дамуы, адам құқықтарының сақталуы ісінде, терроризмге, ұйымдасқан қылмысқа және есірткі бизнесіне қарсы күрес саласында көпжақты ынтымақтастықты нығайтуға ерекше назар аударылады. 

Бүгіңгі таңда, Қазақстан мен БҰҰ ынтымақтастығы жоғары динамиканы көрсетуде. Біз жаһандық және өңірлік деңгейлердегі көпжақты құрылымдардың жұмысына белсенді қатысамыз.

Өңірлік деңгейде әріптестікті нығайту үшін Қазақстан Үкіметі 2019 жылғы 1 мамырда Алматы қаласында халықаралық ұйымдардың үйін ашқан болатын, онда өңірлік, субөңірлік және көпжақты мандаттары бар БҰҰ-ның 16 мекемесі орналасқан.

Қазақстан БҰҰ-ның негізгі және көмекші органдарының құрамында дәстүрлі түрде кеңінен ұсынылған, оған мүшелігі сайлау негізінде жүзеге асырылады. Қазақстанның 2017-2018 жылдарға арналған БҰҰ Қауіпсіздік Кеңесінің тұрақты емес мүшелігіне сайлануы тарихи оқиға және Қазақстан дипломатиясының жоғары жетістіктерінің бірі болды.

Бүгін таңда БҰҰ жанындағы ҚР Тұрақты Өкілдігінің ұжымы, Тұрақты Өкіл Қайрат Омаровтың басшылығымен Қазақстанның БҰҰ-мен ынтымақтастығын кеңейту және Қазақстанның сыртқы саяси бастамаларын ілгерілету, соның ішінде, еліміздің Тұңғыш Президенті - Елбасы Нұрсұлтан Назарбаевтың түрлі жылдары бас халықаралық ұйым қабырғасында айтылған бастамаларын қоса алғанда жемісті жұмысты жалғастыруда.

mfa.gov.kz

Кейін қарай