Мемлекет басшысы Н.Ә.Назарбаевтың "Рухани жаңғыру" бағдарламасын жүзеге асыру аясында 20-21 қыркүйек күндері Ақтөбе облысында Аналар слеті өтуде.

Дөңгелек үстел барысында делегаттар әйелдердің қоғамдағы әлеуметтік рөлі мен мәртебесін арттырудың, демографиялық саясаттың дамуын, сондай-ақ, қазіргі заманғы отбасы, ана мен бала мәселелерін талқылауда.

Аналар слетінде "Туған жерге тағзым" акциясы аясында меценаттар қаражатына салынған Қазақстандағы тұңғыш "Анаға тағзым" рухани-танымдық тәрбие орталығының ашылуы жоспарланған.

Аталмыш жоба әрқайсымыз үшін есімдері қасиетті барлық аналарға құрмет көрсету болып саналады. Қонақтар орталықтың экспозициялық залында Қазақстан тарихында маңызды рөл атқарған қазақ халқы әйелдерінің өмірі мен ерлік істері туралы жан жақты таныса алады. «Анаға тағзым» орталығында өскелең ұрпаққа білім беру және тәрбие жұмыстары жүргізіліп, жастарға заманауи қоғамда қажет құнды бағдарларды дамытуға мүмкіндік беретін психологиялық жеңілдеу және кеңес беру, қолданбалы өнер, жалпы даму, музыкалық тәрбие беру, стилистика мен дизайн, отбасылық тренинг жүргізу кабинеттері мен басқа да қызмет түрлері жұмыс жасайтын болады.