Жыл сайын 21 қыркүйекте Армения Тәуелсіздік күнін атап өтеді. 1921 жылдан бері Кеңес Одағының құрамында болған Армения халқы дәл осы күні тәуелсіздігін жариялау туралы республикалық референдумда дауыс берді.

Жыл сайын 21 қыркүйекте Армения Тәуелсіздік күнін атап өтеді.

1921 жылдан бері Кеңес Одағының құрамында болған Армения халқы дәл осы күні тәуелсіздігін жариялау туралы республикалық референдумда дауыс берді.

Сол күні, 21 қыркүйекте Арменияның Жоғарғы Кеңесінің шешімі бойынша КСРО-дан шығу және Арменияның тәуелсіз мемлекет құру туралы референдум өткен болатын. Дауыс құқығы бар азаматтардың 99 % бұл сұраққа оң жауап берді.

23 қыркүйекте Республиканың Жоғарғы Кеңесі Арменияны Тәуелсіз мемлекет деп жариялады.

1991 жылдың қазан айында Левон Тер-Петросян тәуелсіз Арменияның Президенті болып сайланды. Сол жылы Армения Тәуелсіз Мемлекеттер Достастығына кірді.

1992 жылы Армения БҰҰ құрамына еніп, 2001 жылдан бастап Армения Еуропалық кеңестің толыққанды мүшесі болды.

Қазақстанда қазіргі уақытта 25 мыңға жуық армян ұлты өмір сүріп жатыр. Еліміздің облыс, қалаларында 14 этномәдени орталықтары бар. Олар өз ұлтының тарихын, мәдениетін, салт-дәстүрін жаңғыртып, қоғамдық келісім мен жалпыұлттық қазақстанның моделін қалыптастыруға өз үлестерін қосуда.

Қазақстан бойынша он жексенбілік мектеп жұмыс істейді, онда 300-ден 400-ге дейін оқушы білім алуда.

2006 жылдан бастап армян қауымына арналған «Наири» газеті шыға бастады. Газетте Қазақстан халқы Ассамблеясы іс-шаралары, сондай-ақ Қазақстан армяндары мен ҚР армян жастары қауымдастығының барлық 14 филиалдарының қызметі мен жаңалықтары жарық көреді. Қазақ және армян тілі сабақтары басылады.

Армяндар Қарағанды, Қостанай, Павлодар, Алматы қалаларында көп қоныстанған.

Армяндар Қазақстан тарихында көрнекті рөл атқарды, оның мемлекеттік құрылысына, ғылыми және мәдени өміріне өз үлесін қосты.

2004 жылдан бастап Алматыда ҚР «Наири» мәдени орталықтарының қауымдастығы құрылды, төрағасы — Артуш Карапетян.

ҚР армян қауымдастығы елдің қоғамдық және саяси өміріне, соның ішінде Қазақстан халқы Ассамблеясының жұмысына белсене қатысады.

Қазақстан Республикасындағы Армения Республикасының Төтенше және Өкілетті Елшісі – Ара Саакян.

Дата события ассамблеи: 21.09.2018

Кейін қарай