2015 жылы 16 қыркүйекте «ҰЛЫ ДАЛА ЕЛІ» тарихи-мәдени экспедициясы Махамбет ауданында жалғасын тапты. Бұл аудан – қазақ хандығы құрылған мекен. ҚХА ғылыми-сараптамалық тобының мүшесі Бекежан Өмірбек бастаған экспедиция мүшелері «Теңдессіз сый» акциясы шеңберінде Махамбет аудандық орталық кітапханасына кітаптар табыстап, оқырмандармен және ардагерлермен кездесу өткізді.

2015 жылы 16 қыркүйекте «ҰЛЫ ДАЛА ЕЛІ» тарихи-мәдени экспедициясы Махамбет ауданында жалғасын тапты. Бұл аудан – қазақ хандығы құрылған мекен. ҚХА ғылыми-сараптамалық тобының мүшесі Бекежан Өмірбек бастаған экспедиция мүшелері «Теңдессіз сый» акциясы шеңберінде Махамбет аудандық орталық кітапханасына кітаптар табыстап, оқырмандармен және ардагерлермен кездесу өткізді.

Аудандық тарихи-өлкетану музейінде экскурсия жасап, әрі қарай Махамбет ауданындағы Сарайшық селосында бет алды. Қазақ даласындағы ең көне тарихи орындардың бірі – «Хан Ордалы Сарайшық» елді мекенінде өткен экспедиция зерттеушілер қызығушылығын арттыра түсті.

Сарайшық қаласының тарихы Шыңғыс хан мен Бату жасаған шапқыншылық тарихына байланыстырыла айтылады. Ол кезде Алтын Орданы - үлкен сарай, Сарайшықты - кіші сарай деп атаған. Киелі, хан ордалы Сарайшықтың Қасым ханның кезінде Қазақ хандығының тұңғыш астанасы болғанымен қоса, бұл жерде тарихта аты танымал батырларымыз бен қоғам қайраткерлері болғанын айта кетуіміз керек.

Сондай-ақ бұл мекен гүлденген қолөнер мен сауда қаласы болғандығы тарихтан белгілі. Сарайшық селосында аудан әкімшілігінің қолдауымен елді мекен тұрғындарымен кездесу өтті. Жиналғандарға арнаған сөзінде Бекежан Өмірбек тарихи-мәдени экспедицияның мақсаты мен міндеті – ұлттық бірлікті нығайту және насихаттау деп  баяндай отырып, ҰЛЫ ДАЛА ЕЛІ тарихи-мәдени экспедициясының жұмысы жемісті болуы үшін оған бәріміз жәрдемдесуіміз керек деді.

«Қоғамдық келісім» КММ баспасөз қызметі

Кейін қарай