2016 жылдың 7 сәуірі күні Ассамблея үйінде  Батыс Қазақстан облысының әкімі,  облыстық Қазақстан халқы Ассамблеясының төрағасы  Алтай Көлгіновтың қатысуымен, Батыс Қазақстан облыстық ҚХА  Кенесінің  кеңейтілген  отырысы өтті.

Отырыста облыстық Ассамблея төрағасының орынбасары, хатшылық меңгерушісі Ғ.Х.Қапаков облыстық Ассамблея кеңесі құрамына өзгерістер енгізу туралы хабарлама жасады. Содан соң, облыстық қоғамдық келісім кеңесінің ережесі мен құрамы бекітілді. Облыстық ассамблея жанынан «Ынтымақ» депутаттық тобын құру туралы корей этнмәдени бірлестігінің төрағасы, облыстық мәслихат депутаты Максим Пак жасаған  ұсыныс бірауыздан қолдау тапты.

Отырыс барысында Ұлт жоспары  «100 нақты қадам» бойынша   «Бірегейлік пен бірлік»  4-реформаны жүзеге асыру бойынша Батыс Қазақстанда өтетін  іс-шаралар жоспары бекітілді. Жоспар бойынша облыс аумағында 2016 жылы 328 іс-шара өтпек.  Бұл жөнінде Батыс Қазақстан облысы Қазақстан халқы Ассамблеясы төрағасының орынбасары Ғайса Қапаков мәлімдеме жасады.   Ол осы іс-шаралар аясында облыстық өлкетану музейінде ассамблея залы ашылғанын, ел-жұрт болып  республикамызда 1 наурыз күні  алғыс айту күнін өткізгеніміз туралы, сол күні облыста  476 іс- шара өтіп, оған 245 000 батысқазақстандық қатысқаны туралы айтып берді.

Қазақстан Республикасы Тәуелсіздігінің 25 жылдығы аясында 1 мамыр - Қазақстан халқы бірлігі күнін өткізу туралы тұжырымдаманы бекіту туралы облыстық ассамблея төрағасының орынбасары В.К.Шохина баяндама жасады.

Қазақстан халқы Ассамблеясының 24-сессиясына облыстан баратын делегация құрамы бекітіліп, отырыс соңында  кеңестің шешімдері қабылданды.

БҚО «Қоғамдық келісім» КММ нің баспасөз қызметі

Кейін қарай