Батыс-Қазақстан облысының аумағында «Қайырымдылық керуен» акциясы белсенді түрде жүзеге асырылуда.

БҚО әкімі аппаратының «Қоғамдық Келісім» КММ басшысының орынбасары Айгүл Туркина хабарлағандай, Шараның басты мақсаты жалғыз басты егде жастағы адамдарға қолдау болып табылады.

«Қайырымдылық керуен» акциясын Қазақстан халқы Ассамблеясы жанындағы еріктілер қозғалыс орталығы өткізуде. Басты мақсат - жалғыз басты егде жастағы азаматтарға бірінші қажеттіліктегі азық-түліктерді, сондай-ақ антисептикалық құралдар мен медициналық маскаларды қамтамасыз ету және жеткізу бойынша көмек көрсету болып табылады», дейді спикер.

Шараны ұйымдастырушыларды қала кәсіпкерлері, этномәдени бірлестіктер мен еріктілер қозғалыстарының өкілдері, коронавирусқа байланысты қалыптасқан жағдайға немқұрайлы қарамайтын басқа да көптеген жандар қолдап отыр.

«БҚО ҚХА еріктілер қозғалысының штабы демалыссыз жұмыс істеуде, әлеуметтік корзиналар ұйымдастырылып, азық-түлік салынған машиналармен жер-жерге жеткізілуде. Банерлер мен жадынамалар әзірленіп, еріктілер біршама маскалар тігуді қолға алды. Көптеген азаматтар әртүрлі жерде болса да, бір рух – жақыныңа көмектесуге деген тілек бәрін жақындата түсті», - дейді «BIRLIK» еріктілер қозғалысының жетекшісі Дулат Мақатов.

Еріктілер ұзын саны 42 адамды, оның ішінде 6-ы Ұлы Отан соғысы мен тыл ардагерлері, Ұлыстың ұлы күні-Наурыз мейрамымен құттықтап шықты.

«Олардың батасын алып, алғыс сөздерін естідік. Қаланы барынша қамту туралы шешім қабылдадық», - деп сөзін қорытты Д. Мақатов.

Кейін қарай