Ағымдағы жылғы 7 қыркүйек күні Достық үйінде Қазақстан Республикасы Тәуелсіздігінің 25 жылдығына орай «Бейбітшілік пен келісімнің жол картасы»  мега  жобасы аясында Батыс Қазақстан облысы Сырым ауданының Орал қаласында «Рухани келісім – бірлік пен тұрақтылықтың кепілі» тақырыбында қалалық этномәдени бірлестіктер өкілдерімен кездесу өткізілді.

Сонымен қатар Сырым ауданының Орал қаласындағы мәдени күндері шеңберінде «Қайырымдылық керуені» акциясына сәйкес аз қамтылған отбасына көмек берілді.

Іс-шараның мақсаты: тарихы терең Сырым елі мен Орал қаласы арасындағы рухани, мәдени келісім мен тұрақтылықты одан әрі дамыту, бірлікті, достық пен ынтымақты нығайту болып табылады.

Этномәдени орталықтар өкілдері мен қала тұрғындары мега  жоба аясында ұйымдастырылған «Жымпиты – Орал» марафонына қатысушыларды Қадыр Мырза Әлі атындағы мәдениет және өнер орталығы алаңында қарсы алды.

«Бейбітшілік пен келісімнің жол картасы» мега – жобасы аясындағы  іс-шара соңы Сырым ауданы көркемөнерпаздарының қатысуымен Қазақстан Республикасы Тәуелсіздігінің 25 жылдығына арналған «Тәуелсіздікпен түлеген шежірелі Сырым елі»   атты концерттік бағдарламамен аяқталды.

Батыс  Қазақстан  облысы  әкімі аппаратының

«Қоғамдық келісім»  

КММ - сі

Кейін қарай