«Ассамблея жастары» РҚБ төрағасы Тимур Джумурбаев Әзербайжан астанасы Баку қаласында өткен АӨСШК-ның Жастар кеңесінің 8-отырысына қатысты.

Әзербайжанның АӨСШК-ға төрағалығы аясында Баку қаласында бірқатар жастар және волонтерлік іс-шаралар өтті. Атап айтқанда, 12 қараша күні АӨСШК Жастар кеңесінің 8-отырысы өтті. Қазақстан Республикасының атынан бұл жиынға «Ассамблея жастары» ұйымының жетекшісі Тимур Джумурбаев қатысты. Отырыс «ӨҚЫҰ өңірінің тұрақты дамуы жолындағы жастар белсенділігі» тақырыбына арналды. Іс-шараға ұйымның Бас хатшысы, Елші Қайрат Сарыбай, Әзербайжан Республикасының жастар және спорт министрі Фарид Ғаибов және түрлі елдерден келген делегаттар қатысты.

Өз сөзінде Қазақстан халқы Ассамблеясы жастар қанатының көшбасшысы жастар ортасындағы мәдениаралық диалогты дамыту, гуманитарлық және мәдени ынтымақтастықты нығайту, жастар қауымдастығының бірлігін қамтамасыз ету бағытында жинақтаған тәжірибемен бөлісті.

Сондай-ақ ол этномәдени бірлестіктердің жастар қанатының және Ассамблеяның басқа да жастар ұйымдарының жұмысына тоқталды.

Тимур Джумурбаев Ассамблеяның Креативті шешімдер платформасы мен қазақстандық жастардың экологиялық бастамалары жөнінде баяндады. Ол халықтық дипломатия тетіктерін күшейтудің маңыздылығын ерекше атап өтті.

Кейін қарай