Алғыс айту күнінде Маңғыстау облысы ҚХА жанындағы «Аналар кеңесінің» мүшелері сыйлықтарын алып, Ақтау қаласындағы отбасы үлгісіндегі «Балалар ауылының» тәрбиеленушілеріне қонаққа барды.

Украин, татар, орыс, әзербайжан этностарының өкілдері балаларға репрессия мен жер аударылу жылдарының қиын-қыстау кезеңдерінде, ашаршылық пен соғыстың тауқыметті жылдарында қазақ халқының бір үзім нанды балалары мен жақындарына бермей, мүлде жат, тіл білмейтін қазақ даласына айдалған өзге ұлттарға бөліп бергенін әңгімеледі. Талай ұлт пен ұлыстың қазақ халқының дархан жүрегінің арқасында аман қалып, күш жинағанын айтты.

Зульфия Бернеева – «Аналар кеңесінің» төрайымы:

– «Тарихыңды есте сақта және мақтан тұт» - бұл мерекенің басты қағидасы. Ал бұл күннің мақсаттарының бірі – өскелең ұрпақты толеранттылыққа, достық пен өзара сыйластыққа, Қазақстандағы этносаралық татулық пен ұлтаралық келісімді нығайтуға тәрбиелеу. Біз әр баланың бойына елі үшін мақтаныш сезімін сіңіруін қалаймыз және өскелең ұрпаққа Қазақстан халқы Ассамблеясын мысалға келтіре отырып, халқымыздың бірегейлігін айтып отырамыз. Елбасы жарлығымен Алғыс айту күні жарияланған ел – бейбіт бүгіні мен жарқын болашағы бар екені сөзсіз.

Кейін қарай